أحلفت بعد للراقي قاسم عبد العزيز الدوسري

أحلفت بعد ماأبجي نص الليل...
ولا أنزّل بعد دمعة
صلد مثل الحديد أصبح
وكلبي لو حجالي وكال
أتجاهل كلامه وماأسمعه
كبل دمعه اتطيح
وماأبجي العين
ودموع الجفن مليان
 وهسه طاحت بسرعه
مثل دمع الشمع لو طاح
دموعي فاقت الشمعة
عليمن شايل أنت هموم فوك اهموم
اليموت يروح مايرجع
أبد لا تنتظر رجعه...
وثوبك كافي تركع بي
مشكك بي ألف ركعه.. 
شعر راسك ملاه الشيب
وحزنك محد يجرعه...
اترك حزنك وانساه
ومن كلبك بعد طلعه
لون تدري الحزن كتّال
اشمالك حزنك اتبلعه...
 البشر من طبعه بيه هموم
أبد ميغيره الطبعه..
حتى لو فرح
 ادموعه تنزل سيل
 بس دمع الفرح يختلف
بي لمعه..
 قاسم عبدالعزيز الدوسري